Savalimmiuni qinersissapput

Folketingimut qaammatip aappaa avillugu matuma siorna qinersivugut, savalimmiormiulli qinersiartoqqilereerput. Lagtingimut tamatumuuna qinersisoqassaaq. Tamanna arfininngorpat oktobarip ulluisa 29-anni pissaaq.
Allattoq Carla Davidsen
oktobarip 27-at 2011 07:03

Lagtingimi inissat 33-upput, ullumikkullu naalakkersuisoqatigiipput liberaliusut, Sambandsflokkurin, socialdemokratit Javnadarflokkurinilu.

Qineqqusaarnermi suliniutissatut pingaarnertut taagorneqartut tassaapput, aalisarnermut, akileraartarnermut attaveqaqatigiinnermullu politikki.

Naligiissitaanerli aamma qineqqusaarutaavoq. Arnat inuusuttut nunani allani ilinniagaqareerlutik Savalimmiunut utertarnissaat qanoq pilerinarsarneqarsinnaanersoq, kisimiillutik pilersuisut atugaat qanoq pitsanngorsarneqarsinnaanersut, atoqatigiinnerlu eqqarsaatigalugu allatut eqqarsartariaasillit, pisinnaatitaaffii, oqallisigineqartunut aamma ilaapput. Atuagassiami Kvinfomi tamanna allaaserineqarpoq.

Lagtingimut arfininngorpat qinersinissamut partiit arfineq-marluk sassarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq