Politikki Nunanit allanit

Savalimmiuni qineqqusaarnermi makku oqallisigineqarput

Savalimmiormiut ullut arfinillit qaangiuppata - tassa septembarip aallaqqaataanni inatsisartuminnut Lagtingimut qinersissapput.

Allattoq Helle Nørrelund Sørensen

aggustip 26-at 2015 14:29

Nutserisoq Erna Lynge

Partiit qinigassanngortitaqartut sammisaat tassaanerupput peqqinnissaq, utoqqarnik isumaginninneq, aalisarneq Danmarkimullu attaveqarneq.

Savalimmiut Nunatsinnitulli utoqqarnut aningaasartuutaat amerliartorput, inuusuttullu ilinniareerlutik nunaminnut angerlarusuttannginnerat ajornartorsiutigalugu.

Aamma atuaruk Russit killilersuinerat Savalimmiut iluanaarutaalluartoq

Illuatungaani savalimmiuni aningaasarsiorneq ingerlalluarpoq. Nunami tassani aalisakkanik tunisassiornertik malunnaatilimmik annertusisinnaasimavaat, ilaatigut EU'p Ruslandimik mattussinerata atorluarneratigut.

Danmarkimiit bloktilskudit ukiumut 644 millioniusut, nunap isertitaasa tamakkiisut ukiumut 5 procenterai. Namminersulernissamik kissaateqarneq Danmarkimiit avissaarnissamut partiit arlallit atorluarpaat.

Aamma atuaruk Mittarfiup tallineqarnera iluatitsiffiuvoq

Sambandspartiimeersoq naalakkersuisut siulittaasuat Kaj Leo Johannesen, 2008-miilli assoralisimaartinneqartarsimavoq, ilaatigut akileraarutinik iluarsaaqqissimanini pissutigalugu, pisuummi illersorsimagamigit, aammalu sullorsualiorneq pissutigalugu Inatsisartunut eqqunngitsunik nalunaaruteqarsimagami.

Inatsisartunut qinigassanngortittut katillutik 169-ipput.