Savalimmiuni politikeri nuimasoq oqaatiginnissimanngilaq
Jenis av Rana nakorsatut sulinermini arnaq inuusuttoq angumminit kinguaassiuutitigut atornerlunneqartarsisoq pillugu paasissutissinneqarsimavoq, paasisanili pillugu oqartussanut ingerlatitseqqissimanani.
Savalimmiuni politimesteri Danmarkimi naalagaaffiup unnerluussisuanut rigsadvokatimut maanna allagaqarpoq, Savalimmiuni inatsisartunut saaffiginneqqusissummik, Jenis av Rana-p eqqartuussisulersuunneqarsinnaanngissusianik atorunnaarsitsinermik kinguneqartussamik.
Jenis av Rana oqaatiginnissimannginnini pillugu akiligassarsinermik pineqaatissinneqarsinnaavoq.
Nakorsarli taanna sullitami ilaata kinguaassiuutitigut atornerlunneqarsimaneranik sianigisannginnerarpoq.