Savalimmiuni pisortat EU-mut akerliupput

Savalimmiuni naalakkersuisut danskit nunanut allanut ministeriannut Per Stig Møllerimut akerliullutik allagaqartut nutaarsiassaqartitsiviup ritzauip allaaseraa.

Savalimmiuni naalakkersuisut akerleraat, Danmarkip EU-milu ilaasortat nunat sinnerisa tamarmik atlantikup imartaata kujasissortaani arfernut eqqissisimatitsiveqalernissaa taasissutiginialersaarneqarmat.

Tamatuminnga taasisitsinissaq sapaatip-akunnerata tulliani Chille-mi pissasoq oqaatigineqarpoq, Nunallu tamalaat imaq pillugu inatsisinik ataatsimiititaliaasa ataatsimiinneranni pissalluni.

- Siunnersuummut akerliunitsinnut tunngavigaarput uagutsinnut aalisartoqarfiusumiittuusunut tunngavitsinnik pingaaaruteqartunik allanngortitsisoqarsinnaammat. Aaliangersaanerillu taamaattut nunat tamalaat aalisarneq pillugu pisinnaatitaaffiisa tunngaviinik allannguuteqartitserujussuarsinnaapput, taama Savalimmiuni nunanut allanut tunngasunut naalakkersuisoq Republikaneriusoq Høgni Hoydal issuarneqarpoq.

Danskit naalakkersuisuisa ukiuni kingullerni Kalaallit Nunaat Savalimmiullu arferit piniagaanerinut tunngatillugu taamalu aamma aalisernermut puisinniarnermullu tunngatillugu nunat tamalaat paasitinniarlugit tamaviaaqataasarsimagaluarpoq.