Savalimmiuni naalakkersuisut avissaartuuterataannaapput
Aalisagartassiissutit appartinneqarujussuarnerat pillugu Lagtingimi pingajussaarinnillutik ullumikkut ataatsimiittussaapput, ullut aalisarsinnaatitaaffiit 20 procentimik appartinneqassasut Savalimmiuni naalakkersuisunit siunnersuutigineqaraluarpoq.
Saarulliit Savalimmiut eqqaaniittut nunguillutik nungussinnaanerat biologinit aarlerisaarutigineqartuarmat, Savalimmiuni aalisarnermut naalakkersuisup republikanerineersup Thorbjørn Jacobsenip aalisagartassiissutit ikilerujussuarnissaat siunnersuutigaa.
Naalakkersuisorlu taanna Savalimmiuni aalisartunit aalisariutaatilinniillu nuannarineerutivittoq erseqqissaatigineqarpoq, allaallu aqagu ukiumoortumik aalisartut Klaksvigimi naapilerpata ammaanersiornermi oqalugiannginnissaa kissaatigineqarluni.