Savalimmiuni naalakkersuisooqatigiit ajalusooqqajaapput

Savalimmiuni Sambandspartip Socialdemokratillu naalakkersuisoqatigiinnerat ajalusooqqajaalerpoq, Sambandspartip siulittaasuata Socialdemokratillu siulittaasuisa assortuussutigilermassuk Savalimmiuni massakkutut qinersiviit arfineq-marluuinnassanersut qinersiviilluunniit ataasiinnanngortinneqassanersoq.

Savalimmiuni inatsisartut siulittaasuata Edmund Joensenip Sambandspartiimeersup qinersiviup ataasinnanngortinnissaa siunnersuutigaa. Naalakkersuisut siulittaasuata Socialdemokratiusup Joannes Eidesgaardip ernummatigaa allannguisoqarpat inatsisartuni inoqqortunermiittut amerlaneruallaalernissaat qeqettaararmiut inangerlugit. Joensip siunnersuutini aalajangiusimavaa nakkaannarumanngippalli inatsisartuni ilaasortat arlallit siorasaaripput Sambandspartip socialdemokratillu suleqatigiinnerat ipitinniarlugu.