Savalimmiuni naalakkersuisooqataasussamik pisariaqartitsipput

Savalimmiuni naalakkersuisut siulittaasuat Joannes Eidesgaard naalakkersuisooqataasussamik partiimik ujarlertussanngorpoq, maannakkut naalakkersuisooqatigiit Socialdemokratinik Republikanerinit Centerpartiinillu ingerlanneqartut ingerlaannassappata.

Savalimmiut imartaanni aalisakkat pisarineqartartut ikilisinneqarnissaannik siunnersuummut republikanerineersoq Heine O Heinesen partiinik isumaqatiginagu siunnersuummut akerliuvoq, tamatumalu kingorna republikanerit siulittaasuat Hogni Høydahl nalunaarpoq naalakkersuisooqataanermit tunuarniarluni. Sapaatip akunnerata naanerani isumaq allanngorpoq, Heine O Heinesen-ilu republikanerinit naatsersuutigineqarunnaarpoq, maannakkullu naalakkersuisooqatigiit amerlanerussuteqarnissaminnut partiimik allamik suleqatissarsiortariaqalissalluni.