Meeqqat marluk ipillutik Savalimmiuni ajunaarsimasut, nutaarsiassaqartitsivik Ritzau ilisimatitsivoq. Meeqqat arfinilinnik arfineq-marlunnillu ukiullit Savalimmiuni qeqertat kujasinnersaanni, Suderø-mi, nunaqarfimmi Trongisvági-mi kuummut nakkarsimapput.
Savalimmiuni siallerujussuarnerata kingorna kuuk assorsuaq qaffassimavoq, isortorujussuusimallunilu. Meeqqat ajunaartut kuup paavata avannaatungaani immami politiit annaassiniartartullu aatsaat nassaarisimavaat, sarfaatiterujussuarsimasut.