Savalimmiuni nappaassuarmik kræftimik eqqugaasimasut Danmarkimut aallartinneqartaraluartut Islandimut aallartinneqartalissapput.
Savalimmiuni peqqissutsimut isumaginninnermullu naalakkersuisoq Hans Pauli Strøm ilisimatitsivoq Islandimi Reykjavikkimi napparsimannavissuaq suleqatigineqalersimammat suleqatigiinnerup annertusarneqarnissaa maanna periarfissarsiuunneqartoq.
- Kræftimik katsorsaaneq eqqarsaatigalugu Danmarki nunani avannarlerni kinguarsimanerpaavoq, taamaattumillu kræfteqartunik Danmarkiliartitsisarnerput naammagiinnarsinnaanngilarput, Hans Pauli Strøm oqarpoq.
Nakorsanik nappaatinut immikkut ilisimatusarsimasunik Savalimmiuni Danmarkimilu amigaateqarneq Islandimi peqqinnissqarffimik suleqateqalernermut Hans Pauli Strømip pissutaaqataanerpaa.