Savalimmiuni homo-t amerlanerussuteqartumik taasissutigineqarput

Savalimmiuni Lagtinge-mi ilaasortat amerlanerussuteqarlutik suiaassuteqatiminnut atoqateqartarnermi inatsit nikassaasumik nipilik akuersaanngilaat.

inatsisissamut siunnersuut piffissami sivisuumik oqaluuserineqarsimaqaaq maannalu ilusinikkiartuaartutut oqaatigineqarsinnaalerluni.

Savalimmiuni Lagtingemi ilaasortat 17-t inatsimmut pioreersumut akuersaanngillat 13-illu 17-inut illuatungiliipput.

” Taasinerup tamatuma ersersippaa Savalimmiut oqaluttuarisaaneranni aatsaavissuaq taamak erseqqitsigisumik suiaassuteqatiminnut atoqateqartarnermut inuiaqatigiit akuersaalersimanerat”, taama aviisimut Politikenimut oqarpoq republikanske partiimeersoq siunnersuummullu pilersitseqataasoq Finnur Helmsdal.

Oqaluttuarineqarporlu Lagtingemi taasisut amerlanerussuteqarnerat tusarliunneqaqqaarmat ataatsimiittarfimmi ersaattaattoqaqqusaanngikkaluartoq ersaattaattoqarsimasoq. Naammassigamillu silataani nuannallutik imminnut pakkutaarrassimasut.

Savalimmiut tassaavoq nunani avannarlerniittuni nunani tamani suaassutiminnut atoqateqartarnermut inatsisitigut akuersaanngitsutuaasoq.