Savalimmiuni atinut inatsit nutaaq

Savalimmiuni atsiisarneq allanngoriartorpoq. Meeqqaminnik kuisitsigaangamik siornatigut aterparpassualiisarnerat nalinginnaavoq, allaat atit arfineq-pingasut angullugit amerlassuseqartarsimallutik.

Atsiisarnermulli inatsit nutaaq maanna pissutsinik allanngortitsivoq, taamaalilluni savalimmiormiuaqqat ativimmik ataatsimik, akunniliussamik ataatsimik naggammillu ataatsimik ullumikkut ateqartalerlutik.

Ukiut 50-t matuma siornagut savalimmiuni niviarsiaraq assersuutigalugu ”Sigga, Susanne, Maria, Elisabeth, Frederikke”-mik atserneqartarpoq, maannali inatsit nutaaq atuutilersoq malillugu taama amerlatigisunik atsiisoqarsinnaajunnaarpoq, nutaarsiassaqartitsivik Ritzau taama allappoq.

Inatsisip nutaap maanna anaanaasup ataataasulluunniiit tamarmilluunniit naggataanik meeraq naggaserneqarsinnaanngortippaat. Arnat naggatertik katinnerminni aamma pigiinnarsinnaanngorlugu.

Savalimmiuni naggatit nalinginnaanersaraat Joensen, angutinullu ateq Jákup arnanilu Maria. Kalaallit Nunatsinni Hans Anelu aterni nalinginnaanersaapput, Petersen naggatini nalinginnaanersaasoq.