Savalimmiuni aalisarneq amigartoorutaavoq
Savalimmiuni aalisarneq, avammut nioqquteqarnermi qeqertami tassani inuussutissarsiutini pingaarnerpaagaluartoq, amigartoorutaavoq. Savalimmiuni aalisarnerup inuussutissarsiutaanera pillugu 2007-imi naatsorsuutini tamanna takuneqarsinnaavoq.
marsip 09-at 2008 13:23
Aalisakkeriviit 15 millioni koruuninik sinneqartooruteqarsimagaluarput, aalisariutinulli aningaasartuutit ima annertutigaat, sinneqartoorutit amigartoorutinngorlutik.
Savalimmiuni Faroe Seafoodimi siulittaasoq, Símin Jacobsen, naapertorlugu, aalisariuterpassuit iluarsartittariaqartarnerat amigartoornermut pissutaavoq.
-Siunissarli qanittoq isigalugu, tassa ukioq naatsorsuiffik manna isigissagaanni, iluatsinnerussagunarpugut. Aalisariutit tamarmik singissimalereerput, aalisagartassallu sumiiffinni arlalinni ikilisinneqarnikuummata aalisakkat ikinnerusut tuniniarneqartalissapput. Taamaammallu aalisakkat nunarsuarmi akiisa qaffariarnissaat ilimagisinnaavarput, Símin Jacobsen oqarpoq.
