Savalimmiuliartaatip bremse-a ajutoorpoq
Timmisartorsuaq Savalimmiuliartaat Atlantic Airways Københavnimiit Savalimmiunut inunnik 90-inik ilaasoqarluni ingerlaarnermini bremse-minik ajornartorsiuteqalerluni arfininngormat unnukkut Savalimmiunut missinnaajunnaarsimavoq.
Timmisartumi aquttup Savalimmiuni mittarfimmut Vagar Lufthavnimut minniarsarilernermini malugilersimavaa, timmisartup suluini kigaallassaatit atorsinnaajunnaarsimasut.
Kigaallannanilu missagaluaruni akunnermut 330 kilometerisut sukkassuseqarluni mittussaassaaq nalinginnaasumik milernermi akunnermut 230 kilometeriusaraluartoq. Taamalu sukkatigaluni minniarsarissaguni Vagar Lufthavnip mittarfia naappallaarpoq taamaaliussagunillu mittarfik qaangerlugu allaat ingerlasariaqalissagamik allatut ajornartumik timmisartoq utertariaqalersimavoq, Norge-miittumullu timmisartoqarfimmut Bergen-imut nunniffissarsiulerluni.
Norge-mi timmisartup minnissaanut annaassiniartartut piareersimasipput.
- Mikkatta sakkortungaarmat allaanngilaq sorsuarmik naqitsinersuarmik naqinneqarluni, ilaasut ilaat oqarsimavoq.
Atlantic Airwaysip pisortaa erseqqissaavoq taamatut pisoqarnera ajutuulernermik isumaqanngitsoq isumannaallisaanerli pillugu timmisartoq Norge-mut mittariaqarsimasoq.
