Savalimmiormiutut oqaatsit pingaarnerulersinniarpaat
- Savalimmiormiutut oqaatsitta pingaarnertut inissinnissaat isumaliutissiissusiatsinni pingaartissimavarput. Namminersornerulernitsinnut atatillugu oqartussaaffinni suli maannamut akisussaaffigilersimanngisatsinni, soorlu eqqartuussiveqarnermi, politeeqarnermi allanilu Danmarkip suli akisussaaffigisaanni qallunaatut oqaatsit sulinermi pingaarnertut atorneqarput. Tamannali allanngortariaqarsoraarput. Qallunaatut oqaatsit atorunnaarsittariaqarput, savalimmiormiutullu oqaatsit pingaarnertut inissittariaqarlutik, suleqatigiissitaliami siulittaasoq, aamma savalimmiormiutut oqaatsinik atuakkialerinermillu ilisimatooq Árni Dahl, nutaarsiassaqartitsivimmut Ritzau-imut oqarpoq.
Kisianneqarporli, Savalimmiuni pisortaqarfinni danskit oqaasii atorunnaarlugit savalimmiormiutut oqaatsit salliutinneqalissappata Namminersornerulernermut atatillugu inatsisiliat unioqqutinneqassapput, allanngortinneqassappallu folketingi kisimi allanngortitsisinnaassaaq.