Savalimmiormiut tatiginartuupput

Taamaattumillu Savalimmiormiut siunissami aningaasanik erniakinnerusunik atorniarsinnaanissaat naatsorsuutigineqarsinnaassaaq.

Moody´s Invester Service tassaavoq suliffeqarfik, nunat tamat aningaasanik atorniarnissamut tatiginassusaannik tulleriiaarinninnermik suliaqartartoq, suliffeqarfik Savalimmiormiut aningaasaqarnerannik misissuereerluni Savalimmiut inissisimaffiusinnaasut 21-t akornanni normu 3-tut inississimavaa.

Savalimmiormiut aningaasarsiornikkut tatiginassusiat Moody’s-ikkunnit aatsaat siullermeerluni naliliiffigineqarpoq. Moody’s-ikkut naliliinerminni tunngavigaat, Savalimmiormiut aningaasarsiornikkut angusaqarluarnerat mianersortumillu aningaasaqarnerminnik aqutsinerat. Savalimmiut Danmarkimik naalagaaffeqateqarnerat naliliinermi aamma isiginiarneqarsimavoq, tassa oqartoqarluni Savalimmiut Danmarkimik naalagaaffeqateqanngitsuugunik normu 5-iinnaassagaluartut.