Savalimmiormiut Ruslandimut Sovjetiusimasumilu nunanut isumaqatigiissuteqalersut

Naqqinneqarpoq nal. 11.36: Allaqqaaraluarpugut isumaqatigiissummik atsiortoqarsimasoq. Tamannali eqqunngilaq.

Siullermik pilersaarutigineqarpoq killeqanngitsunik niueqatigineqalissasut, Rusland, Kazahkhstan, Armenien, Hviderusland aamma Kirgistan.

Savalimmiormiut aalisagarpaalussuarnik Ruslandimut tunisaqartarput, taakkualu 5 procentinik akitsuuserneqartarmata, killeqanngitsumik niueqatigiinnissamik isumaqatigiissuteqarnissaq ajunngitsuusoq, Savalimmiuni nunanut allanut tunngasunut ministeri oqarpoq.

-  Naalagaaffinnut isumaqatigiissuteqarfigisatsinnut ullumikkut  tunisaqartarpugut 2,4 milliardit nalinginut, taamaattumik isumaqateqanngikkutta annaasaqarsinnaavugut. Niuernitsigut akitsuutinik amerlasuunik akiliuteqartarpugut, Savalimmiuni nunanut allanut tunngasunut ministeri Poul Michelsen savalimmiuni nutaarsiassaqartitsivimmut Kringvarp Føroyamut oqarpoq.  

Savalimmiormiut Tyrkiamut killeqanngitsumik niueqatigiinnissamik isumaqatigiissuteqareerput, Japanimullu aamma Korea Kujallermut isumaqatigiissuteqarnissaq maanna sulissutigineqarpoq.