Savalimmiormiut niisarnanik nereqqusaajunnaarput
Niisarnat neqaat kviksølvimik PCB-millu ima akoqartigilersimapput, allaat peqqissutsimut ajoquseerujussuarsinnaallutik.
- Inuit niisarnap neqaanik, mattaanik orsuanillu akulikitsumik nerisartut sajunnermik nappaateqakulanerulersarput. Aavisa naqitsinerat qaffasippallaalersinnaavoq aamma taqqanik milittoornissaminnut qaninnerulersarput, Savalimmiuni nakorsaaneq Høgni Debes Joensen oqarpoq.
Naartup sianiutaasa ineriartornissaat niisarnat aamma ajoqusersinnaagaat pasitsaanneqarsimavoq, Savalimmiormiullu kinguaassiorsinnaanerannik minnerulersitsisarnissaat aamma ilimagineqarpoq.
Savalimmiormiut ukiuni hunnorujulippassuarni niisarnarniartarput, - taamaammat niisarnartoqqusaajunnaarnerput uggornaqaaq, Savalimmiuni peqqinnissamik suliaqartunit taama oqartoqarpoq.