Savalimmiormiut Nappaataat kingornuttagaavoq

Nappaat kingornunneqartartoq, toqqutaasartorlu, meeqqat inoorlaat tamarmik suli sukumiinerusumik misissorneqarnerisigut unitsinniarneqalerpoq, tassa meeqqat agguaqatigiissillugu annerpaamik qulingiluanik ukioqaleraangamik toqusarnerat.
septembarip 12-at 2007 05:28

Nappaat taanna taamaallaat Savalimmiuni atugaavoq, taamaammat Savalimmiormiut Nappaataannik taaguuteqartinneqarluni.

Ilisimatuut maanna paasivaat, nappaat 1600-kkunniilli kingornuttagaalersimasoq.

Meeqqat nakorsaat tyskeq, Ulrikke Steuerwald, nappaat taanna pillugu ukiorpassuarni misissuisimasoq, aamma professori hollandimiu, Ron A. Wevers, naapertorlugit, ”Savalimmiormiut Nappaataat” meeqqat inoorlaat nalinginnaasumik aaversittarnerisa saniatigut aaverseqqinnerisigut, atugaajunnaarsinneqarsinnaavoq.

Meeqqat taama nappaateqarlutik inunngortut nukilluttuusarput, mianernartunik nukeqartarlutik. Tusilartuusarput avatitillu aqussinnaarpiarsinnaasarnagit. Sianissusaat ajoquteqarneq ajoraluarput, innorluuteqarnertilli pissutigalugu nammineersinnaanerat lilleqartarluni, ikiorneqartinnatik susinnaasaratik.

Nappaat kingornuttagaq Savalimmiuni nunaqarfimmi Østerømi Oyrimi paasisaqarfigineqarpoq. Meeqqat, ”Savalimmiormiut Nappaataannik” nappaateqarlutik manna tikillugu inunngorsimasut, angajoqqaavisa arlaat nunaqarfimmi tassanimiumit kingoqqisuusimapput, angut taanna Oyrimi 1630-kkunni inuusimavoq. Meeqqat ”Savalimmiormiut Nappaataannik” nappaateqarlutik inuusut timip sannaanik pingaarutilimmik amigaateqartarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq