Savalimmiormiut kilisaataata kivinera nalunaarusiarineqarpoq

Kilisaatip siorna apriilimi kivinerata kingorna Danmarkimi Imarsiornermik qullersaqarfimmit misissuisartut nalunaarusiaanni tamanna atuarneqarsinnaavoq.

Savalimmiormiut kilisaataataat ”Hercules” siorna apriilimi manerassuarmi ikuallappoq, ilaasut 116-iusut ilaat aqqanillit ajunaarnerannik kinguneqartumik. Ikuallanneq qulliit ruujoriusat sannarlutat pissutaallutik aallartissimavoq. Kilisaatip assingata ”Poseidon”-ip maskiinalerisuata qulliit ulorianassusaat paasigamiuk ”Hercules”-ermiut e-mailikkut paasissutississimagaluarpai. Herculesimili maskiinalerisup nalunaarut pisimangilaa, unnukkuanilu qulliit pineqartut pissutaappiarlutik umiarsuaq ikuallalersimavoq. Qulliit eqqannguani pappialaqarlunilu plastikkeqarsimammat ikuallanneq siaruaatipallassimavoq. Ilaasut qamisaanissamik ilisimasakippallaarnerat oqaatsitigut imminnut paasiuminaatsinnerat qamisaanissamullu atortut naammassimannginerat pissutaallutik qamitsiniaraluarneq iluatsissimanngilaq, Ajunaartut tassaapput Kinameersut qulit Russerlu ataaseq. Danmarkimi Imarsiornermik qullersaqarfimmiit paasisat Savalimmiuni Imarsiornermik qullersaqarfimmut ingerlateqqinneqarsimapput. Pisimasup qanoq kinguneqartinneqassanera Savalimmiuni Imarsiortut qullersaqarfianniit aalajangerneqassaaq. Maannangaarli qulliit ruujoriusat ulorianarnerat nunarsuaq kaajallallugu nalunaarutigineqareerpoq.