Savalimmiormiut kilisaataaterujussuat Chille-p eqqaani arfininngornerup unnuaani ikuallalersimavoq, maannalu russeq ataaseq Kinamiullu qulingiluat maqaasineqartut nalunaarutigineqarpoq. Nutaarsiassaqartitsiviup Ritzauip allaaseraa, Kinamiu ataaseq ajunaarsimasoq nassaarineqarsimasoq. Oqaluttuarineqarporlu ikuallanneq motoreqarfimminngaanniit aallartissimasoq.
Kilisaatip inuttai 105-nik amerlassusillit nunami allamiut angallataannik sisamaasunit annaanneqarlutik assartorneqalertorsimapput.
Qulimiguullit kilisaammut ikuallattumukartinneqarsimapput oqaatigineqarporlu kilisaat annaanneqarsinnaasimanngitsoq.
Inuttallu maqaasineqartut qulit suli ujaarineqartut.