Savalimmiormiut Kangerluarsorutsimi saliinissamut aningaasassarsiortut
Savalimmiuni naalakkersuisut Kangerluarsorusermi saliinissamut misissuinissamut aningaasat 350.000 koruunit atorneqarnissaanut aningaasaqarnermut inatsimmi allannguuteqarnissamut siunnersuuteqarput.
Kangerluarsoruseq tassaavoq aalisariutit umiarsualivigisimasaat, 1990-ikkut aallartilaarneranni atorneqarunnaartoq, savalimmiormiullu umiarsualiviusimasumi saliissasut 2007-imi isumaqatigiissutigineqarpoq.
Savalimmiuni Naalakkersuisut siulittaasuat Aksel V. Johannesen savalimmiuni inatsisartunut ilaasortamut Kári P.Højgaardimut sapaatip akunnerata siuliani akissuteqarluni allappoq, naalakkersuisut misissuinissamut namminersorlutik inuussutissarsiortut aningaasaliitinniarsimagaluaraat suli iluatsinngitsumik.
Misissueqaarnermi Nunatsinni katersugaasivik, allagaateqarfik Naalakkersuisullu suleqatiginissaat pilersaarutaavoq.
Savalimmiuni naalakkersuisut aningaasaleriarpata misissueqqaarneq aappaagu aallartinneqassasoq Aksel V. Johannesenip oqaatigigaa, Savalimmiuni nutaarsiassaqartitsivik allappoq.
AG-ip martsip qaammataani allaaseraa savalimmiuni naalakkersuisut siulittaasuata Aksel V. Johannesenip Naalakkersuisut siulittaasuat Kim Kielsen erseqqissaaffigigaa savalimmiormiut isumaqatigiissummik naammassinnillutik saliiniartut.
- Savalimmiormiut Kalaallit Nunaanniinnerminni nunap piinik isumalluuteqarsinnaanertik tikilluaqqusaasimanertillu nuannaarutigaat. Taamaammat saliinnginnatta illorsuit uagutsinnut savalimmiormiunut nikanarsaataasutut oqaatigineqarsinnaapput.
Kalaallinut akiitsoqartugut isumaqarpunga, Aksel V. Johannesen oqarpoq.