Savalimmiormiut inuiattut ullorsiulerput

Savalimmiuni persuarsiortoqarpoq, tassa inuiattut ullorsiorfik Olai-dagen aqagu nalliuttorsiutigineqassammat.

Ilageeqarnerup Savalimmiormiunit nammineq tigummineqalernera nalliuttorsiornermi qitiutinneqassaaq.

Ilageeqarneq Danmarkimit aqunneqarunnaarluni Savalimmiormiunit nammineq tigummineqalissaaq, ilageeqarnermullu ministerip Bertel Haarderip atsioqatigiinnikkut tamanna malunnartinniarumaarpaa.

Nunat Avannarliit illuanni Torshavnimiittumi atsioqatigiinneqassaaq, Savalimmiunilu palasit tamarmik peqataassapput, nunattalu biskopia Sofie Petersen, biskopillu Islandimeersut, Danmarkimeersut Norge-meersullu aamma peqataassapput.

Ilageeqarnerup Savalimmiuni aqunneqarnera soorunami aningaasatigut naleqarpoq, ukiumut aningaasartuutaasartut 13 millioni koruuniummata. Aningaasartuutit taakku Savalimmiormiunit maanna nammineq aqunneqalisssapput.

Olai-dagen-imik ullorsiornissaq Torshavnip aqquserngini takuneqarsinnaalereerpoq, inuit inuiaqatigiit assuutaannik atukkersorsimasut takussaalereermata.

Ullorsiorneq aqagu unnukkut unnua’qeqqanut sakkortuseruttussaaq Torshavnip qiterpasissuani erinarsoqatigiinneqassammat Savalimmiormiullu qitittariaasiannik qittattoqassammat.