Savalimmiormiut illissamikkut kræfteqakulanerusarput
Nunat avannaamiut pillugit naatsorsueqqissaarnernik suliarineqarsimasut naapertorlugit paasineqarpoq Savalimmiormiut arnartaat soorlu Danmarkimi arnanut naleqqiullugit marloriaammik amerlanerusumik illissamikkut kræfteqakulanerusartut. Taamalu tamatuminnga toqquteqartartartut Danmarkimut naleqqiullugu arlaqarnerusarsimallutik.
- Savammiormiut arnartaasa taama eqqugaasarnerat sormerpiaq peqquteqarsimasinnaanersoq ilisimanngilarput, Savalimmiunili illissap paavatigut kræfteqalertarnerit pillugit misissuinerit nakkutigineqarnerusariaqarput.
-Savalimmiormiut arnartaat akuttoqatigiikkaartumik kræftimik misissortinnissamut neqeroorutinut soqutiginnippallaartanngillat, aggersaraluakkagullu uagut attaveqarfigeqqinniarneq ajorlutigit soorlu Danmarkimi taamaaliortartut, taama ritzauimut oqarpoq Savalimmiuni illoqarfiit pingaarnersaanni Torshavnmi napparsimavimmi nakorsaaneq Erik Wandall.
Taanna erseqqissaavortaaq Savalimmiormiut arnartaasa Danmarkimut naleqqiullugu illissamikkut kræfteqarnertik pillugu toqquteqarnerusarnerannut patsisaasartoq kingusinaarlutik kræftimik nappaateqalersimanerminnik paasisaqartarsimanerat.
