Savalimmiormiut EU-mut ilaasortanngorusulerput
Allattoq Jokum Nielsen
decembarip 25-at 2006 15:55
Oqaluttuarisaanermi aatsaat savalimmiormiut amerlanerussuteqartut EU-mut ilaasortanngorsinnaanermut akuersaalerput. Taamak allappoq savalimmiuni aviisi Sosialurin. Paasiniaanermi Sosialurinimit suliarineqartumi erserpoq savalimmiormiut 40 procentiisa EU-mut ilanngunnissaq tapersersoraat 36,5 procentit akerliusut. Taamaanneranili innuttaasut sisamarterutingajaat tassa 23,4 procentit EU-mut qanoq isummissanerlutik aalajangersimanngilaat.
Nangaasarsimanermut patsisaanerpaasimavoq imartarisanik oqartussaajunnaarsinnaaneq, tassami Savalimmiuni aningaasarsiornerup 90 procentia immamit tunngavilersorneqarpoq.
