Savalimmiormiut arnartaat naartuersinnissaminnut pisinnaatitaaffeqanngitsut ikiorneqalerput
Peqatigiiffik qallunaat nunaanni ingerlanneqartoq aborthjalp.nu naartuersikkusuttunik ikiuniartartoq savalimmiormiut arnartaasa naartuersisissinnaanissaannik ikiornialerpai.
Aviisi Kristeligt Dagblad ippassaq taamatut allaaserisaqarpoq.
Danmarkimi peqatigiiffik taanna Holland-imi nakorsanik suleqatigiinnissamik isumaqatigiissuteqarpoq.
Savalimmiuni arnat naartuersinnissaminnik kissaateqartut Holland-imi nakorsanik oqarasuaatikkut qarasaasiakkulluunnik iisartakkanik naartunik katatsitsinnaasunik piniarfigineqarsinaanissaannik periarfissillugit.
Arnap naartunera sivitsorpallaarsimappat
iisartakkallu atorlugit naartuersinnissamut periarfissaq qaangiussimappat Danmarkimi peqatigiiffiup Danmarkimi napparsimavimmi namminersortumi arnap savalimmiuneersup pilallugu naartuersisinnaaniissaannik isumagisinnaavaa, nutaarsiassaqartitsivik ritzau taamatut allaaserisaqarpoq.
Savalimmiuni arnat inuusuttut aamma arnat inuttut atugassaarinerpaajunngitsut ikiorniarpagut, peqatigiiffimmi naartuersinnissamik ikiuniaqatigiiffimi aborthjalpnu-mi suliniuteqartoq Hanne Bille oqarpoq.
Savalimmiuni arnat naartuersinissaminnik kissaateqartut aningaasatigut inuttullu atugassarititaanermikkut naartuersinnissaminnik periarfissaqanngitsut ikiorniarpagut, taamaattumillu kissaatiginngikaluarlugu naartusariaqartarput, Hanne Bille oqarpoq.
Savalimmiormiut arnaartaasa arlaqartut Danmark-imi naartuersisinnaanissaannik Hanne Bille suliniuteqartareerpoq.
