Savalimmiormiu OL-imut
Kinap illoqarfiisa pingaarnersaanni Beijingimi, ukiormanna aggustip arfineq pingajuanni, aasaanerani OL aallartippat savalimmiormiumik peqataarngaartoqassaaq, taannalu tassaavoq iporsuuttartoq Katrin Olesen.
Allattoq Elisa Isaksen
Savalimmiut nunatut namminersortutut peqataatitaqarsinnaanngimmat Katrin Olesen Danmark sinnerlugu unammeqataassaaq; nunaqqataasalu peqataarngaartitsineq persuarsiutigeqaat.
Savalimmiormiut iporsuunneq timersuutinnaaraat; Katrin Olesenillu peqataanera iluaqutsiullugu Savalimmiut namminerisaminnik erfalasoqarlutik siunissami unammeqataasalernissartik anguniarpaat.
Katrin Olesenip oqaatigaa erfalasortik takutissinnaanngikkaluarlugu unammersuarnerit aallarnerlugit isaanermi erfalasortik uummammioriumaarlugu.