Savaatillit ilungersunartorsiorput
Nunalerinermut Naalakkersuisup Finn Karlsenip taamanikkut neriorsuutigaa tamanna Naalakkersuisoqatiminut saqqummiutissallugu, allatut qanoq iliornikkut ikiorsiisinnaanissaq eqqarsaatigalugu.
Kisiannili tamanna suli Naalakkersuisuni oqaluuserneqarsinnaasimanngilaq.
Taamaakkaluartoq savaatillit allatigut ikiorserneqarsinnaasut Finn Karlsen oqarpoq.
- Maannakkunut Inatsisartuninngaanniit periarfissiivugut taamaallaat ugguuna, nammineq sanassagunik taava bankimit attartussasut. Taava banki piumasaqarpoq uagut qularnaveequsiisariaqartugut.
10 millioninik qularnaveeqqusiinikuuvugut, taamatut sanaartortoqarsinnaaneranut. Inatsisartut akuerisaannik ukiumut millionikkaarlugit, ukiut qulit ingerlanerini taakkua immikkoortillugit periarfisiinnikuuvugut, taama nassuiaavoq Finn Karlsen.
Ukiuni kingullerni sialoqanngippallaarujussuartarneratigut narsaasiat ilanngullutik panertorujussuarnngoriartuinnarput, tamanna aamma savaatilinnut ilungersunartorsiortitsilersimavoq.
- Uulia akitsunngikkallarmatbankip piumasai 3 millioni koruunit qularnaveeqqutissat Naalakkersuisuninngaanniit akuersissutigivarput. Nerikkaatissarsiniartarnerminni nammineq banki aqqutigalugu pisisalernikuugamik. Kisianni banki piumasaqarami pisortat qularnaveeqqusiippata aatsaat attartortissinnaallutik. Tassa taanna isumannaarneqareernikuuvoq, taama naggasiivoq Nunalerinermut Naalakkersuisoq Finn Karlsen.
Ukiut kingulliit sialoqanngittaqattaarneratigut nuna panertorujussuanngoriartuinnarpoq sulilu ajorsiartorluni. Qassiarsummi savaatillit ilaat Frederik Frederiksen oqarpoq, ukioq kingulleq nerukkaatissanik pissarsinertik ukiup siulianut naleqqiullugu 40 procentimik ajorseriarsimasoq.
