Savaatillit eqqissisimatitsilernissamut akerliupput
Savaatillit Peqatigiit Suleqatigiissut pernaammik Nanortalimmi ataatsimeersuarnertik ippassaq aallarnerpaat.
Ataatsimeersuarneq ammarlugu siulittaasup Niels Lundip tikilluaqqusinermini savaateqarfiit ilaasa nunarsuarmi nunatut eqqissisimatinneqartussatut nalunaarutigaa.
Qallunaatsiaat najugaqarfigisimasaasa Nunarsuarmi kinguaat kingornutassaattut eriagisatut
Siunnersuutigineqarsimanera, sakkortuumik siulersuniit akerliuffigineqarpoq. Niels Lund ilaatigut oqarpoq savaateqarfiit takusassiaannartut isiginagit inuussutissarsiummik siuarsaaffittut atorneqartariaqartut.
- Pasigatsisu kujataani annertuumik nunamik eqqissisitsisoqarniartoq, sakkortuumik akerlilersimavarput, nalunnginnatsigumi nuna eqqissitinneqaraangat nunap atornissaa uagutsinnut ilungersunartorujussuanngortartoq, taamaattumik eqqissisitat minnerpaaffimmiinnissaat uagut tungitsinninngaanniit kissaatigaarput, Savaatillit Peqatigiit Suleqatigiissut siulittaasuat Niels Lund oqarpoq.
Savaatillit inuussutissarsiornerminni eqqornerlugaassanngikkunik kissaatigaat, nunap eqqissisimatitap savaatilinnit atorneqartarsinnaanissaata ajornartinneqannginnissaa.
Savaatillit Peqatigiit Suleqatigiissut 1951-imi Alluitsup Paani pilersinneqarpoq.
Savaateqarneq nunatsinnut 1906-imi eqqunneqarmat angutikuluut marluk arnaviaaqqallu qulingiluat, ajoratik Narsarmiunut apuunneqarput.
Mariiannguaq Absalonsen Narnortalimmit taama ilanngutassiivoq.
