Savaatilittut inuuneq Najaaqqap oqaluttuaraa
Meeqqanut atuagaq nutaaq, Kujataani 1950-ikkunni savaateqarnermut tunngasoq, taaguutilik "Najaaraq" saqqummeqqammerpoq.
Allattoq Elisa Isaksen
juunip 11-at 2013 04:10
Cecilie Vahl atuakkiortuuvoq titartagartalersuisuullunilu, Anders la Cour Vahl.
Najaaraq atuakkami pingaarnertut inuttaavoq. Taassumalu ilaquttani ikinngutinilu ilagalugit misigisani nuannersut oqaluttuarai. Soorlu sikumi aalisartarnerit pinnguartarnerillu, ilaqutariinni savaatilinni inuuissiortoqartillugu pisartut, eqalunniartarneq aamma hiisterluni sukkaniunnerit.
Saqqummersitsivimmit Najaaqqamit tusagassiuutinut nalunaarummi oqaatigineqarpoq, atuagaq meeqqanut inersimasunullu oqaasertusaatitut atorneqarsinnaasoq aamma atuarfinni meeqqanut 2. klassimit atuartitsissutissatut piukkunnartuusoq oqaatigineqarluni.
Cecilie Vahl-ip atuagaq alla, "Angutitaq" 2010-mi saqqummersippaa.
