Savaateqarfinni attaviit pitsanngorsarniarpaat
Aningaasaliussat Namminersorlutik Oqartussat susassaqarfiisa Kommuninut tunniukkiartuaaneqarnerinut atugassatut eqqarsaataapput.
Siornatigummi savaateqarfiit akornanni aqquserniortoqarniartillugu Kommune Kujalliup suliareqqaariarlugit Namminersorlutik Oqartussat suliarisarpaat, tassa marloriaammik sullissisoqarneranik kinguneqartarluni.
Namminersorlutilli oqartussat Kommunimut aningaasaliutigisartagai Kommunimut toqqaannartumik tuttalissapput, Aningaasanullu inatsisissami allassimasoq naapertorlugu savaateqarfiit akornanni aqqusinniornermut aningaasaliussat amerlassuseqatigisaanik Kommune tapiissuteqartassasoq naatsorsuutigineqarpoq.
Suliniullumi nunalerinerup inerisarneqissaanut iluaqutaanissaata saniatigut Kommune Kujallermi takornarialerinermut iluaqutaanissaa naatsorsuutigineqarpoq.
Isumaqatigiissut eqqartugarput KANUKOKA´p siulittaasuata Martha Abelsenip Nunalerinermullu Naalakkersuisup Ane Hansenip marlunngormat atsioqatigiissutigaat.