Savaateqarfiit amerlineqartariaqarput
Savaaqat neqaanik naamattunik nunarput nammineerluni pilersulissappat savaaqqat 35.000-it ukiumut tunisassiarineqarnissaat pisariaqarpoq.
Allattoq Jørgen Semionsen
Tamanna anguneqassappat savaateqarfiit massakkut 50-iusut qulinik ilaneqartariaqassapput, aamma nunaateqarfiit allilerneqartariaqassapput.
Savaateqarfiit nutaat pilersinneqassapata nunatta karsia aningaaseriviillu aningaasaliinissaat pisariaqartoq, Kaj Egede oqarpoq.
Savaateqarfik pilersinneqartoq ataaseq 3 millioner koruunit sinnerlugit akeqassasoq, Kaj Egede missingersuivoq.
Savaaqqat siorna toqorarneqartut 21.500-pput. Savaaqqallu neqaannik 1,5 millioner koruunit nalingannut nunatsinnut siorna eqqussisoqarpoq.
Tamanna pillugu ilanngutassiaq Qanoorumi unnugu takuneqarsinnaavoq.