SAS timmisartuutileqatigiiffimmut allamut kattutissaaq
Ajornartorsiorneq qaangerneqarpat SAS timmisartuutileqatigiiffimmut allamut kattunneqassaaq. SAS-imi aqutsisut taama ilisimatitsipput.
februaarip 11-at 2010 11:33
SAS-ilu sunniuteqaqqilissappat sipaarutissat koruunit milliarderpassuussapput, taamaattumik sulisunik 700-nik soraarsitsinissaq siunniunneqarpoq. Suliffeqarfissuup pisortaa Mats Jansson maanna taama nalunaarpoq.
- Isumannaallisaaneq SAS-imut ajunnginnerpaassasoq isumaqarpunga, SAS-imi pisortaq, Mats Jansson aviisip Politikenip nittartagaani taama issuarneqarpoq.
Timmisartuutileqatigiiffik Lufthansa pisiumasuni pilerigineqarnerpaavoq, tulliuvoq Air-France-KLM kingulliuvorlu Finnair.
Aviisimi Politikenimi allassimasut naapertorlugit SAS-imik piginnilersussat peqatigiiffinnit ajorineqanngilluaasassapput, nutaamillu piginnittoqaleraluarpat sulinerup ajorseriarnissaa ernummatigineqanngilaq.
