Tamatuma saniatigut sulisut 5.600-t timmisartuutileqatigiinnut allanut nuutsinneqartariaqassapput imaluunniit atukkiunneqartariaqassallutik.
Uuliap akisunerujussua aningaasarsiornikkullu ajornartorsiorneq pissutaalluni SAS-ip aningaasaqarniarnera ajorsilluinnarsimavoq.
SAS siorna 2008-mi 6,3 milliardi koruuninik amigartooruteqarpoq.
Sulisorpassuarnik soraarsitsiortuinnarani timmisartuussisarnerit aamma annikillisarniarpai.
Qanittumut timmisartuussisarnerit 10 procentii atorunnaassapput, ungasissumut timmisartuussisarnerit 18 procentimik annikillisinneqassallutik. Timmisartuussisarnerit katillugit 40 procentimik appariassapput.
Danmarkimi SAS-imi pisortaaneq, Susanne Larsen, tunuarniarluni aalajangerpoq, Susanne Larsen ukiuni 40-ni timmisartuutileqatigiiffimmi sulereerpoq. Nutaarsiassaqartitsivimmit Ritzauimit tamanna aatsaannguaq allaaserineqarpoq.
- Ukiut 40-t sulereerlunga tunuarnissara maanna aalajangiuppara, SAS-imi aamma allanngortitererujussuartussanngorpoq, Susanne Larsen oqarpoq.