SAS sioqqutsilluni timmisartuussiunnaarpoq
Timmisartuutileqatigiiffiup SAS-p pilersaarutit malillugit Kangerlussuarmut timmisartuussisarnissani sioqqutsilluni unitsippai.
SAS-p nittartagaani taama naatsumik nalunaarummik allassimasoqarpoq.
Nalunaarummi SAS-p taama aaqqisariaqarnini ajuusaarutiginerarpaa, timmisartuussinerit allanut timmisartuussinissanut atortussanngornerat pillugu taama aaqqiisoqartariaqarnera erseqqissaassutigalugu.
Upernaarulu aatsaat SAS Kangerlussuarmut timmisartuusseqqissinnaalissaaq.
Aallartussat qassit inuillu ilaasussat qassit eqqorneqassanersut maannakkuugallartoq nalunaarutigineqanngilaq.
Pilersaarutit malillugit SAS aasap qaammataani taamaallaat timmisartuussisartussaavoq septemberillu naanerani aatsaat taamaatikkallartussaagaluarluni, maannali tassa sioqqutsingaatsiarluni taamaatittussanngorpoq.
