SAS nunatsinnut timmisartuussisarunnaaqqilerpoq
Københavnimiit Kangerlussuarmut uterlugulu aasaanerani timmisartuussisarneq ingerlaannaq atuutilersumik, timmisartuussivigisartakkanik aaqqissuuseqqinnermik tunngaveqartumik, matuneqassasoq, Skandinaviami timmisartuutileqatigiiffiup, SAS-ip, ullumi nalunaarutigaa.
Allattoq Lotte Holm
marsip 10-at 2009 10:49
Inuit 3.600-it missaat Kalaallit Nunaannut angalanissaminnik bilitsisereersimapput, Air Greenlandilli SAS-imut isumaqatigiissuteqarneratigut, taakku Kalaallit Nunaannut tamaanngaanniillu angalanissamik piviusunngunnginnissaat ernummatigisariaqanngilaat.
Inuit bilitsisisimasut 3.600-it missaat Air Greenlandip timmisartuussinissaanut nuunneqassapput. Taakkulu tamangajalluinnarmik pilersaarutit malillugit ullormi apuuffissaminni tikissapput. Ilaasussat pineqartut toqqaannaq attavigineqassapput.
- Nuannaarutigaarput pisariaqartitsisariaqalernissaq naapertorlugu aasaru immikkut timmisartuussinissanik ikkussereernikugatta, taamaattumillu atuisunut iluaqutaasussamik SAS-imut ikiuussinnaavugut, Air Greenlandip pisortaanera, Michael Binzer oqarpoq.
