SAS-ip timmisartua ajutuulernermi mittoq
SAS-ip timmisartua Mallorca-mi ajutuulerluni ippassaq unnukkut nunnittariaqarsimavoq.
Allattoq Elisa Isaksen
Timmisartoq Billundimut ingerlaaraluarpoq, timmisartulli kingornatungaani kiassutsikkut ajornartorsiortoqalermat, timmisartoq Palmamut utertariaqarsimavoq, ajutuulernermilu milluni. Nutaarsiassaqartitsivik Ritzau taama nalunaarpoq.
Teknikkikkut misissuinikkut paasineqarpoq, ruujori motoorianit kissartumik supoorisoq aserorsimasoq. Timmisartup ajoqutaa maanna iluarsaanneqarpoq, SAS-imillu ullup ingerlanerani ilaasut tamarmik Danmarkimut ullumikkut apuunneqarnissaat naatsorsuutigineqarpoq.