SAS-ip timmisartorsua Kangerlussuarmut mittariaqalersoq

SAS-ip timmisartorsua 159-inik issimasoqartoq Stockholmimit Chicagomut ingerlaartilluni ippassaq oktobarip ulluisa aqqaneq-aappaanni nalunaaqutaq 17.51 Kangerlussuup mittarfianut isumannaallisaanermut atatillugu mittariaqarsimavoq.
SAS Airbus A330-300. Assi © : airplane-pictures.net
Allattoq Karsten Sommer
oktobarip 13-at 2015 04:45
Nutserisoq Simon Uldum -

SAS-imi tusagassiisartoq Anna Nielsen taama ilisimatitsivoq.

- Timmisartup iluani silaannaq pujorsunnilersimavoq, taamaammat timmisartup naalagaa aalajangerpoq timmisartorneq unitsinneqassasoq. Isumannaallisaanermilu periusissavut naapertorlugit taama pivoq, nutaarsiassaqartitsivimmut Ritzaumut taama oqarpoq.

Timmisartorsuarlu ajornaquteqanngitsumik missimavoq aamma erseqqissaatigaa.

- Kingorna paasineqarpoq pujorsunni kaffiliuummit kortsluttersimasumeersuunissaa ilimanartoq.

Ilaasut 159-iusut inuttallu quliusut Kangerlussuarmi akunnittarfimmut inissinneqarput.

- Timmisartorsuaq ullaaq manna aallaqqissaaq misissuisoqaqqaassaarli. Sivisusinnaavoq isumannaallisaanerli uatsinnut pingaartuuvoq, tusagassiisartoq taama oqarpoq.

Timmisartorsuaq tassaasoq Airbus 330-300 Stockholmimit aallarnerminit nalunaaquttap akunneri marlussuit ingerlareersut nalunaaqutaq 17.51 Kangerlussuarmut mippoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq