SAS-imut bilitsisereersut Air Greenlandip angallatissavai
Dash-8-nik ajutooqattaarneq nunatsinnut nunatsinniillu angalaniartunut aamma sunniuteqassaaq. Ukiup matuma sinnerani SAS-i nunatsinnukaqqinniarani nalunaarpoq. Taamaammat angalaniartut SAS-imut billetsissaqareersut tamarmik Air Greenlandimit angallanneqartussanngorput. SAS-imi tusagassiisartoq Jens Langergaard oqarpoq:
Timmisartuutigut sarpiisallit tamaasa angalatikkunnaarallaratsigit Kalaallit Nunaannukartittagarput allanut ornitassatsinnut qaninnerusunut atortariaqaleratsigu, angalaniartut SAS-mut billetsisereersimasut qujanartumik Air Greenlandip angallassinnaavai. Immaqa ullut angalaffigissamaakkatik eqqorlugit angalassanngikkaluarput, akunnattuussangaluarpatali, soorlu akunnittarfimmiittariaqalerlutik, aningaasartuutaat SAS-imiit matussuserneqassapput.
Apriilimi 2008-mi SAS nunatsinnukaqqittalissaaq.