SAS Icelandairimik pileriginnippoq
Islandimiut timmisartuutileqatigiiffiat, Icelandair, tuniniarneqarpoq – SAS-imillu immaqa pisiarineqariaannaalluni.
Islandimiut suliffeqarfiutaannut tassunga aningaasanik niuerfissap pilersaarutaareersup tungaanut piserusullutik soqutiginnittut saaffiginnereerput. SAS-ilu aamma tassa soqutiginnittunut maanna ilannguppoq.
Børsen naapertorlugu, Icelandair tamaat, ilaannaaluunniit, pisiarissallugu SAS soqutiginnippoq.
Skandinaviami timmisartuussisarnikkut, aamma USA-mut timmisartuussisarnikkut, Icelandair SAS-ilu qanimut ukiuni qulikkuutaani arlalissuarni suleqatigeereerput.
Icelandair USA-mi sumiiffinnut assigiinngitsunut arfinilinnut ingerlasarpoq, taakkuussagunavippullumi islandimiut timmisartuutileqatigiiffiannik SAS-imut soqutiginnilersitsisut.
Icelandairimilli pisinissamut SAS kisimi soqutiginninngilaq.
Angalatitsiviit aviiseeraat, Take Off, naapertorlugu, islandimiu aningaasaatilissuaq, Àlafur Àlafsson, Icelandairimik pisisussanut maannakkorpiaq ilimanarnerpaanut ilaavoq.
Islandimi aningaaserivik, KB Banki, Álafur Álafssonip tunuliaqutarilluarpaa. Take Off-ilu naapertorlugu, Icelandairimik piginnittup, FL Groupip, timmisartuutileqatigiiffik Àlafur Àlafssonimut tuniniarpaa.
