Sarpik Ittuk Sikuiuitsumut Kujallermut aallarpoq
Arctic Umiaq Linep umiarsuaataa allanngortiterneqaqqammersoq, ”Sarpik Ittuk”, Sikuiuitsumut Kujallermut ukiup affaani angalanissamut attartorneqartussaq, Nuummiit kujammut ippassaq ualikkut aallarpoq.
Kalaallit umiartortut arfineq-marluk inuttatut ilaapput.
Pilersaarutigineqartumit ataatsimik taakku amerlanerupput, tamatumunngalu pissutaavoq amerikamiut suliffeqarfiutaat, ”Sarpik Ittuk”-mik attartortoq, umiarsuarmi piumasarineqartunut naleqquttumik piginnaanilimmik inuttaliisinnaanngimmat, taama ilisimatitsivoq Arctic Umiaq Linep siulersuisuini siulittaasoq, Vagn Andersen.
Attartortut umiarsuup filippinerimiunik inuttalerneqarnissaa toqqarsimavaat, akikinneroqimmata.
”Sarpik Ittuk” Las Palmas-ip tungaanut massakkut ingerlaarpoq, tassanilu umiarsuup inuttassai ikineqassapput. Umiarsuaq Chile-miit Sikuiuitsumut
Kujallermukarluni aallassaaq.
