Sarkozy Frankrigimi allaanerusumik ingerlatsilissaaq

Frankrigip præsidentertaasaa ateqarpoq, Nicolas Sarkozy. Tamanna nalunarunnaarpoq qinersisartunit 53 procentimik taaneqareersorlu.

Præsidentinngortussaq nutaaq taanna aqqutigalugu Frankrigi Europalu politikerimik nutaarluinnarmik ingerlatsisoqalissaaq Chaque Chiraq-ip ingerlatsineranit allaanerusumik. Taama oqaluttuarpoq nunat tamat politikeqarnerannik lektoriusoq, Marlene Wind.

Europa qiviarutsigu massakkut politikereq præsidentinngortussaq Nicolas Sarkozy piviusorsiortorujussuuvoq, maannakkut præsidentiusup Chirac-p isummat itisuut ilisimatusaatit (filosofi) annertoorujussuarmik aammalu europamiut naleqassusiannik pingaartitsineq piginnaatitaaffeqarnerillu nuannersunngortillugit oqaluttarnermini atortorujussuusarpai. Europamiut ataatsimoorussamik inuiaassutsiminnik erinarsuutitaarnissaat erfalasoqalernissaallu aammalu ataatsimoorussamik ilisarnaateqalernissaat præsidentinngortussap Sarkozyp isumaliortaasianut ungasipput. Sarkozyp anguniarumasai tassaapput soorlu piviusorsiortumik ingerlatsinissaq, soorlu;

Tuluit premierministeriat, Blair, Gordon Brown-ip Downing Street-imi kingoraartussaagaa, Anders Fogh Rasmussen, Europamilu nunat kangilliit piviusorsiortumik ingerlatsigaluartut imminut sorujussuartut pingaartinnginnissaq puiortariaqanngillat.

Nicolas Sarkozy majip 16-ianni præsidentitut ivertinneqassaaq.