Sarfaq kissartoq saarulleqalersitsisinnaavoq

Sarfaq kissartoq Irmingeri tassaavoq, Atlantikup avannaani immap sarfaa Kitaata kujataani sinerissamut annguttartoq. Fyllap Ikkannersuata kitaani 400-600 meterinik ititigisoq siornamut naleqqiullugu gradip affaata missaanik juunimi kissarneruvoq.

DMI-p aamma Pinngortitaleriffiup umiarsuarmik alapernaarsuummik Tulukkamik misissuineranni uuttortaanertigut tamanna paasinarsivoq.

Saarullik imaani kissarnerusumi uumalluarnerusarpoq. Sarfarlu kissartoq Irmingeri kujataani sinerissamik kissassaajuassappat tamanna saarulleqassutsimut pingaaruteqalersinnaasoq Pinngortitaleriffimmi immikkoortortaqarfimmut pisortaq, Helle Siegstad, nassuiaavoq.

- Tamanna soqutiginartorujussuuvoq. Kisianni tamanna pingaaruteqalersinnagu aalisagaqartariaqarpoq. Aamma saarullik immap qaavatungaani uumasarpoq. Uuttortaanerillu paasinarsisippaat immap kissarnerulernera 0-imiit - 40 meterisut ititigisumi sunniuteqanngitsoq.

Sarfap kissartup Irmingerip kissarnerulersitsinera silaannaap nammineq allanngorarnerata kinguneranik pivoq.