Sarfaq Ittuk takornarianik angallassissaaq
Siorna takornarianik immikkut angallassineq Nunatta Angalatitsiviata ukiormanna nangeqqinniarpaa. Takornariat ilaatigut sermimut iigartartumut Eqimut, Qeqertarsuarmut naggorissumut, illoqarfimmut Sisimiunut aammattaaq kangerlummut pinneqisumut Kangerlussuatsiamut ilaatigut angallanneqassapput. Angalaneq Nunatsinni illoqarfiit pingaarnersaanni Nuummi naassaaq.
Angalanissamut ilaaniaraanni initat parnaartartut ikittuinnaat kisimik sinneruttut, Arctic Umiaq Linemit ilisimatitsissutigineqarpoq.
Sinersortaat Sarfaq Ittuk takornarianik angallassinerup nalaani, juunip tallimaanit juunip qulingata tungaanut, sinersussanngilaq.