Sarfannguit anorisaammik sarfalersorneqalerput
Sarfannguani anorisaateqalernissaq ukiuni tallimani pilersaarusiorneqarsimasoq, ippassarlu tassa Kalaallit Nunaanni siullersaalluni nunaqarfimmi innaallagissamik pilersuinermut ilaatinneqalerpoq.
Anorisaat tassaavoq, dieselimik ingerlatilimmut innaallagissiuummut tapertaasussaq. Piareersaasiortullu piviusunngortitsisullu Qaasuitsumi Teknologiimik Inerisaaviup naatsorsuutigaa, inaallagissiorfiup anorisaammik tapertaqalernermigut uulia ukiumut 6.000 liiteri sipaarsinnaalissagaa.
Sinerissami sumi allami anorisaatiliisinnaanissaq Teknologimik Inerisaaviup maanna paasinialeruttorpaa, taamaammallu napparutit arfineq-marluk anorimik uuttortaatilikkat nunaqarfinnut assigiinngitsunut napparsimalerlugit.
Anorisaat Sarfannguani aqagu ualikkut kaffilliutigineqassaaq.