Sarfannguani Itillimilu tunitsiviit matuneqariaannaanngillat
NAQQIUT: Ippassaq radioavisimi oqaatigigaluarparput Sarfannguani Itillimilu tunitsiviit matuneqariaannaasut. Tamanna eqqunngitsoq, Sisimiut Fish A/S-ip pisortaa Hanseeraq Enoksen erseqqissaavoq.
decembarip 12-at 2008 17:14
- Itillimi Sarfannguanilu tunitsiviit akilersinnaasumik ingerlappavut matuneqarnissaallu eqqarsaatigineqanngilaq. Maanna oqaatigisinnaavara tunitsiviit taakkua marluusut pisiarinissaat eqqarsaatitsinniimmat, Hanseeraq Enoksen oqarpoq.
Sisimiut Fish A/S-ip tunitsiviit taakku marluk Royal Greenlandimit tiguneqarnerinut atatillugu attartulerpai. Isumaqatigiissutit najoqqutaralugit Sisimiut Fish A/S-ip tunitsiviit 2012-ip tungaanut ingerlattussaagai Hanseeraq Enoksen nassuiaavoq.
