Sarah Palinip præsidentimut qineqqusaassanerluni suli aalajaginngilaa
USA-mi præsidentimut qineqqusaartoqarmat, præsidentip tullersortaatut qineqqusaartup Sarah Palinip ukiut sisamat qaangiuppata præsidentimut qineqqusaassanerluni suli aalajangersimanngilaa, Amerikamiut TV-ikkut nutaarsiassaqaritsiviannut CNN-imut taamatut ippassaq oqarpoq.
Allattoq Louise M. Kleemann
novembarip 06-at 2008 08:15
Ukiut sisamat qaangiuppata sulerinissara takorlooruminaatsippara, Sarah Palin oqarpoq, taanna Alaska-mi guvernør-itut sulinini ingerlateqqissavaa.
Sarah Palin USA-mi præsidentimut qineqqusaartoqarnerani polikikkut misilittagakitsutut nalilerneqarluni isornartorsiorneqarpoq, qinersinerullu kingorna præsidentimut qineqqusaartumut McCain-imut utoqqatserpoq, qineqqusaarnermi republikanerinik qinersisut ikinnerunerannut nammineq misilittagakinnerunini pissutaasimassappat.
USA-mi præsidentimut qineqqusaarnermi
republikanerit ajorsarnerannut Sarah Palin pisuunnginnerarpoq, aningaasarsiornermili ajornartorsiorneq pissutigalugu McCain Barak Obama-mut ajorsarnerarlugu oqarluni.
