Sarah Palin qineqqusaaqqinnissamut sukataalereerpoq
DR-p tusagassiaa naapertorlugu Alaskami guvernørip Internettikkut politikkimut aningaasaliisarfik pilersippaa – PAC-mik taaneqartoq, Political Action Committee.
Arnap taassuma politikkikkut suliniutaanut aningaasanik tassunga ikisisoqarsinnaavoq, paasisimasallillu naapertorlugit Sarah Palin republikanerit sinnerlugit 2012-imi præsidentitut qinigassanngortinnissaminut suliniummik siullermik aallartitsilluni.
Sarah Palin novemberimi USAmi qinersineqarmat republikanerit sinnerlugit præsidentimut qineqqusaartumut John McCainimut tullersortissatut qineqqusaaraluarput, partiilli ajorsarujussuarnerata kingornagut imatorsuaq Palin tutsaqaqqissimanngilaq.