Sarah Palin præsidentinngornissamut piareersarpoq
Alaskami guvernøri, Sarah Palin republikaneriusoq, naalakkersuinermut uteqqinnissaminut piareersarpoq.
Allattoq Jaaku Lyberth
Danmarkip Radiuani oqaatigineqarpoq, Alaskami guvernørip taassuma internetimi politikikkut aningaasaliisarfik pilersissimagaa - PAC-mik taallugu –tassa Political Action Committee. Arnap taassuma politikikkut suliniutaanut tassunga aningaasanik ikisisoqarsinnaavoq, paasisimasallillu oqaatigaat Sarah Palin republikanerit sinnerlugit 2012-imi præsidentimut qinigassanngortinnissaminut suliniummik siullermik aallartitsinerarlugu. Sarah Palin novembarimi qinersineqarmat republikanerit sinnerlugit præsidentimut tullersortitut qinigassanngortippoq partiilli ajorsarujussuarnerata kingornagut tusarsaavallaarunnaarluni.