Sarah Palin: Obama ajortumeeriniamik ikinnguteqarpoq
-Obama tassaavoq inuk, USA-mik naammaginninnginnguatsiartoq allaat ajortumeerinianik ikinngutilersortariqarluni, nunaminni ajortumeeriniarlutik qaartartumeerisartunik, Sarah Palin Barack Obama pillugu aviisimut The New York-imut ullumi oqarpoq.
Taamaattorli ikinngutigiinnerat ilumuunngitsoq aamma allaaserineqarpoq. Professor William Ayers, ingasattajaarniartunut sakkulersortunullu Wheathermen-inut ilaasortaasoq, 1960-ikkunni 1970-ikkunnilu Amerikami qaartartumeerisaqataatarsimasoq Obamamut ikinngutaanerarlugu, Sarah Palin oqariartuuteqarpoq. Taakkua Chicago-mi ikiuiniaqatigiiffimmi siulersuisunut ilaasortaaqatigiissimapput.
Barack Obamap oqaaseqartartuata Sarah Palinimut akerliliilluni oqarpoq, unnerluussineq ”ajornartoorluni saariarfissaarunnermi pissusilersornerusoq”, Barack Obamamillu inuttassarsiuussilluni saassussinerusoq.