Ullumikkut qinersisoqartuuppat Sara Olsvig Naalakkersuisunut siulittaasunngussangaluarpoq.Assi: Steen Brogaard/Folketinget

Sara Dorisilu isumaqatigiinngillat

Folketingip nunarput pillugu ataatsimiititaliaata tunumi tikeraaneranit Doris Jakobsenip uparuaanera Sara Olsvigip ilisariuminaatsippaa. Isertitsiviit kommunefogedellu takuniarneqarput. Taamaattoq Sara Olsvigip oqaatigaa tikeraarnermi takuniartinneqartut ilaat qallunaat politikkeriinut soqutiginaateqarpallaasimanavianngitsut.

Ataatsimiititaliap ukiumoortumik ukiormanna tikeraarnera allaanerusumik ingerlanneqarpoq. Siullermik suliffeqarfiit tikeraarneqarput tikeraarnermilu tunu sammineqarneruvoq. Siornatigut tikeraartarnerni kitaani illoqarfiit nunaqarfiillu tikeraarneqakkajunnerusimapput.

- Kulusumi kommunefoged oqaloqatigaarput tassanilu isertitsivik takusarlugu. Ajoraluartumik Kuummiuni kommunefogedip oqaloqatiginissaa iluatsinngilarput. Kisianni angalanissami pilersaarummi allaqqavoq kommunefogedenik oqaloqateqarnissaq. Aamma takusakka malillugit ataatsimiititaliami ilaasortat angalaneq naammagisimaarpaat naak atuarfiit, oqaluffiit sapertullu angerlarsimaffii Danmarkimit oqartussaaffigineqanngitsut ilanngullugit takuniarneqaraluartut. Kisianni tunumi pissutsit paasisaqarfigaat tamannalu pingaartorujussuuvoq, Folketingimi nunarput pillugu ataatsimiititaliap siulittaasua Sara Olsvig oqarpoq.

Angalanermi angumeriniagassat arlaqarput tamannalu pissarsiaqarfiulluarpoq. Taamaattoq ataatsimiititaliap siulittaasua ippigisaqarpoq.

- Inatsisartut ataatsimiititaliaanni ilaasortat oqaloqatiginissaat piffissaqarfiginerusimasariaqaraluarparput tullianillu nunatsinnut angalalerutta tamanna eqqumaffiginiarumaarparput. Ataatsimiititalianik ataatsimeeqateqarnerit kalaallit qallunaallu politikeriinut pissarsiaqarfiulluarput. Aamma assut iluarpoq ataatsimiititaliami ilaasortat misigisaasa Naalakkersuisut siulittaasuannut Kuupik Kleistimut anngunnerat, taamaasillutik Folketingimi ilaasortat sunik pissarsisimanersut Naalakkersuisunuta anngunneqarmat, Sara Olsvig KNR.gl-mut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat